بعض النصائح قبل التاسيس

حاجات سريعة خد بالك منها وانت بتأسس الكهرباء لوحدتك👇

اطلب من الكهربائي

(1)◀️ اهم حاجه تكون عارف الشقه حتتفرش ازى 👈 

(2) ◀️اطلب من الكهربائي يأخذ شيرب للشقه بخرطوم المياه او  ميزان الليزر 👈

(3)◀️ اعمل حساب تكييفات فى الشقه كلها حتى لو مش حتركب التكييفات ويفضل تكون  المفاتيح بتاعتها نايمه مش واقفه هتكون اشيك👈 

(4)◀️ اعمل حساب كشافات الطوارئ فى كل الشقه 👈 

(5)◀️ أعمل حساب كاميرا مراقبه امام باب الشقه 👈

(6)◀️ الثلاجه والديب فريزر يكون ليهم خط لوحده في اللوحه علشان لو سافرت وفصلت الكهرباء متفصلش عليهم👈

7️⃣ أطلب من الكهربائي سلك الدش يكون فى خرطوم لوحده والسلك واصل لحد الطبق بدون لحام لكل غرف لوحدها علشان الاشاره تكون100%👈

8️⃣ اعمل جرس من المطبخ للانتريه لو حابب علشان محدش ينادى عليك وانت مع ضيوفك👈

9️⃣ اعمل حساب ديفاتير فى غرفه النوم والطرقه لو فيه👈

🔟 اعمل حساب الليد بين واحدات المطبخ👈 

(11)◀️اعمل لكل غرف خط اناره وخط برايز وخط للتكييف لكل غرف الغساله خط والسخان لو فورى اعرف هو ٢٢٠ وله 3فاز وعرف الكهربائي  والمكيروف خط واعمل لمطبخ 3او 4 خطوط اقل حاجه للوحه👈

(13)◀️بلاش تركيب بواط لتجميع اسلاك التيار الخفيف( لوحه الخدمات فينوس افضل ) ولو الإمكانيات متسمحش ممكن لوحه ١٢خط عاديه 

(14)◀️ بعد ماالكهربائى يخلص صور الشغل كله هو لسه خراطيم عالحيطه علشان بعد كده لما تعلق براويز اوهتخرم فالحيطه لأي سبب ماتخرمش فى اي خراطيم او اسلاك فالحائط 🎨 او ارسم الشغل على الاب توب 

(15)◀️اعمل حساب shatr

(16)◀️اطلب من الكهربائي بعد ما يركب الخرطيم والسلك ينور الشقه كلها علشان الصنايعيه تعرف تشتغل ويركب بريزه علشان اي صنيعى يجي يشتغل بى صاروخ او هلتى ميبهدلش السلك👈

🏡حاجه تخص الدوبلكس بجاردن🏡

1️⃣اعمل حساب مولد كهرباء علشان لم يكون فى⛈ مطر الكهرباء بتقطع وبتحتاج تشغل موتور الرفع الكلام ده لو الدوبلكس منسوبه اقل من منسوب الشارع

2️⃣اعمل حساب إيرث دى حاجة مهمة جدا لو عندك جاردن👍

ملاحظة 👇

◀️إرتفاع المفاتيح 120سم او 115سم 

◀️ارتفاع البرايز 40سم او 35سم

◀️إرتفاع برايز الكومود 70سم او55سم 

◀️ارتفاع البرايز المطبخ 120سم 

◀️إرتفاع برايز الغساله والفلتر والبوتجاز 60سم 

◀️ارتفاع الشفاط الهرمى ١٧٠سم 

كل الارتفاعات دي من بعد السيراميك

انتظرونا في منشور مرحله التشطيب